Ola!! Aquí estamos de novo cunha animada actividade relacionada, nesta ocasión, cos escarnobots, en concreto un Bee-Bot, coñecido pola súa forma de abella. A continuación, desenvolveremos os contidos, obxectivos e a descrición da actividade. Esperemos que sexa de gran axuda para que os nenos e nenas de Educación Infantil poidan adquirir novos coñecementos sobre os alimentos saudables.
Contidos:
- · Discriminación progresiva dos alimentos saudables valorando o seu consumo.
- · Recoñecemento das necesidades básicas do corpo -hixiene, alimentación, descanso.
Obxectivos:
- · Satisfacer as súas necesidades básicas adquirindo hábitos de coidado persoal.
- · Achegarse ao coñecemento, emprego e valoración das TIC-ordenadores, internet, encerado dixital interactiva, escáner, vídeo...- como ferramentas de busca de información, creación, expresión e comunicación.
Obxectivos da actividade:
- · Distinción dos alimentos saudables dos non saudables.
- · Que os nenos fagan uso das TIC como ferramenta de aprendizaxe.
- · Que reflexionen a través das preguntas que lles plantexamos.
Rol dos estudantes ao longo do proceso:
Nesta actividade os estudantes ocupan un rol principal, debido a que son eles os encargados de realizar o exercicio e son os que teñen que contestar as preguntas sobre o mesmo.
Descrición detallada da actividade:
Esta actividade consiste en colocar unha baralla de nove cartas, realizadas coa plataforma de Tinkercad , sobre o chan e que un escarnobot, coñecido como o Bee - Bot, cunha serie de indicacións, se dirixa cara unha das cartas. Unha vez posicionado sobre unha delas, o mestre ou algún neno terá que darlle á volta. Nesta baralla, cada unha das cartas terá pola súa cara de diante unha letra do abecedario, á que se lle asignará un alimento saudable ou non saudable. Estes alimentos contarán pola parte de atrás da carta cun código QR para acceder á imaxe e ó nome do alimento específico, xunto cunhas preguntas sobre eles, e que os nenos tentarán responder, reflexionando así sobre o alimento que lles tocou e se percaten do que non deben comer con abundancia e do que sí poden incorporar ós seus hábitos.
Recursos para realizar a actividade.
Para realizar esta actividade, precisaremos dalgúns recursos: unha plantilla recollida, previamente, a cal dividiremos, en nove cartas realizadas con Tinkercad (de licencia libre), para que sexa máis sinxelo de empregar e visualizar polos nenos e nenas. Tamén necesitaremos un Bee-Bot, un escornabot con forma de abella que ten integrado uns botóns para poder ser dirixido dun punto a outro ao pulsalo. Outro recurso será un teléfono móbil ou tablet para poder ver o código QR.
Como materiais complementarios teremos os códigos QR, e poderemos ver o seu contido enfocando coa cámara dun teléfono ou tablet, para que os leven a imaxe e as preguntas do exercicio.
Licencia del Tinkercad: 2020 Autodesk, Inc. Todos os dereitos reservados. Tinkercad é unha colección gratuita en liña de ferramentas de software que axudan a persoas de todo o mundo a pensar, crear y hacer. Somos a introducción ideal a Autodesk , o líder en software de deseño, enxeñaría e entretemento 3D.
Comentarios
Publicar un comentario